Nydeleg svart gutepus frå fosterheim

Nydeleg svart gutepus frå fosterheim

Linus er ein flott svart gutepus på om lag 4 månadar som ynskjer seg ein for-alltid-heim.Han hamna i fosterheim i lag med mor og to søsken i sommar. Mor deira hadde vore heimlaus i heile vinter og fekk så tre ungar på eit garasjeloft. Då ungane blei så store at dei begynte å utforske området, blei dei oppdaga og Mattilsynet blei kopla inn. Heile familien blei levert hjå Folgefonn Dyreklinikk til avliving. Det hadde dei tilsette på klinikken lite lyst til og i staden for hamna dei i fosterheim – i samarbeid med Dyrebeskyttelsen Norge Haugaland.Søskena til Linus har no fått ein for-alltid heim, men ikkje Linus…Er det fordi han er svart?? Han har kort silkeblank pels og nokre få kvite hår i brystet. Han er aktiv og leiken – likar å undersøkje nye ting og er den som først blei venn med hunden i huset. Han er ein fornuftig pus som brukar litt tid på å observera når det er noko nytt før han kastar seg ut i det.Linus har fått ormekur – ID chip og er vaksinert. Gebyret på kr 2000,- inkluderer også kastrering når han er stor nok for det. Det vil seia at du får dei viktigaste utgiftene dekka!Når du adopterer ein katt frå Dyrebeskyttelsen blir det plass til nye heimlause kattar.Ta kontakt om du vil helsa på Linus. Han bur i fosterheim på Sandvoll – sør i Kvinnherad.Adopsjonen skjer etter Dyrebeskyttelsen sine reglar. Du finn meir informasjon om det her:****